پالتو کتوں کی رجسٹریشن کی جائے ورنہ جرمانہ عائد کیا جائے گا :ایس ایم سی

سری نگر//
سرینگر میونسپل کارپوریشن(ایس ایم سی)نے لوگوں سے کہا ہے کہ وہ اپنے پالتو کتوں کی رجسٹریشن کروائیں بصورت دیگر ان کے خلاف قانون کے مطابق کارروائی ہوگی ۔
اس سلسلے میں، ایک عوامی نوٹس جاری کیا گیا ، جس میں کہاگیاہے ’’سرینگر میونسپل کارپوریشن کی حدود میں رہنے والے پالتو کتوں کے تمام مالکان/رکھنے والوں کو ان کے پالتو کتے جموں اور کشمیر میونسپل کارپوریشن ایکٹ۲۰۰۰ کے سیکشن۳۰۴ (کتوں کے ریگولیشن اور کنٹرول) اور اینیمل برتھ کنٹرول (ڈاگ) رولز‘۲۰۰۱ کے سیکشن۳ کے مطابق زیر دستخطی کے دفتر میں رجسٹرڈ ہیں۔
نوٹس میں کہا گیا ہے کہ مطلوبہ فارم میونسپل ویٹرنری آفیسر کے دفتر، ایس ایم سی ٹینگ پورہ بائی پاس سری نگر ٹینگ پورہ پل کے قریب، ہیلتھ آفیسر، آر نمبر پر دستیاب ہیں۔
اس میں یہ بھی کہا گیا ہے کہ مطلوبہ رجسٹریشن کے بغیر پالتو کتے کو پالنے والے کو چالان اور جرمانہ کیا جائے گا۔ اور کتے کو پکڑنے کا باعث بن سکتا ہے۔پالتو کتے پالنے والوں کو بھی اس نوٹس کے ذریعے مطلع کیا جاتا ہے کہ وہ اپنے کتوں کی نس بندی کرائیں۔