شاؤمی نے 5جی سروس کے لیے ائرٹیل کے ساتھ معاہدہ کیا

نئی دہلی// شاؤمی انڈیا نے شاؤمی اور ریڈمی اسمارٹ فونز کے صارفین کو 5جی+ نیٹ ورک کا تجربہ پیش کرنے کے لیے بھارتیہ ائرٹیل کے ساتھ معاہدہ کیا ہے ۔
دونوں کمپنیوں نے جمعرات کو جاری کردہ ایک مشترکہ بیان میں کہا کہ اس اتحاد کے تحت صارفین کو کلاؤڈ میں ہموار ویڈیو کالنگ، وقفہ سے پاک گیمنگ اور کمپنی کے تمام 5جی ماڈلز میں انتہائی تیز ڈیٹا اپ لوڈ اور ڈاؤن لوڈ کا تجربہ ملے گا۔ 5جی+ کنیکٹیویٹی استعمال کرنے کے لیے ایک صارف کو نیٹ ورک سیٹنگز میں جانے اور اپنے پسندیدہ نیٹ ورک کو فائیوجی ائرٹیل میں تبدیل کرنے کی ضرورت ہے ۔
شاؤمی کے چیف مارکیٹنگ آفیسر انوج شرما نے کہاکہ "ہمارا پورا 5جی اسمارٹ فون پورٹ فولیو ہمارے صارفین کو پورے ہندوستان میں 5جی خدمات تک رسائی کے قابل بناتا ہے ۔ ائرٹیل کے ساتھ مل کر بہترین درجے کی ٹیکنالوجی فراہم کرنے کی ہماری صلاحیت کے ساتھ ہمارے صارفین ملک میں 5جی انقلاب میں سب سے آگے ہوں گے ۔ تیز رفتار، بہتر قابل اعتماد، اور نہ ہونے کے برابر تاخیر کے ساتھ 5جی سروسز کی توسیع موبائل فون کے ماحول کو بالکل نئی سطح پر لے جائے گی۔