شرد پوار مہاراشٹر میں بھارت جوڈو یاترا کا استقبال کریں گے

نئی دہلی// مہاراشٹر میں نیشنلسٹ کانگریس پارٹی کے سربراہ شرد پوار، کانگریس کے سابق صدر راہل گاندھی کی قیادت میں تمل ناڈو، کیرالہ اور کرناٹک میں زبردست عوامی حمایت کے بعد کنیا کماری سے کشمیر تک بھارت جوڑو یاترا کا استقبال کریں گے ۔
کانگریس کے ذرائع نے بتایا کہ مسٹر پوار اور ان کی بیٹی اور لوک سبھا رکن پارلیمنٹ سپریا سولے جب بھارت جوڑو یاترا مہاراشٹر میں داخل ہوگی تو پیدل چلنے والوں کا استقبال کریں گے ۔ جنوبی ہند میں بھارت جوڑو یاترا کو زبردست عوامی حمایت حاصل ہونے کے ساتھ ہی مختلف سیاسی جماعتوں کی بھی حمایت حاصل ہو رہی ہے ۔ اب تک آر ایس پی، سی ایم پی، جنتا دل ایس سمیت کئی پارٹیوں کے لیڈران یاترا میں حصہ لے چکے ہیں۔
انہوں نے کہا کہ یاترا فی الحال کرناٹک میں ہے اور پیدل یاتری 9 نومبر کو مہاراشٹر پہنچیں گے ۔ کرناٹک کے بعد پیدل یاتری تلنگانہ میں داخل ہوں گے اور ریاست میں تقریباً 13 دن کا سفر کریں گے ۔ یاترا ٹیم 18 سے 21 اکتوبر تک آندھرا پردیش میں رہے گی اور پھر تلنگانہ پہنچے گی۔ تلنگانہ میں یاترا کے دوران دیوالی کا تہوار آ رہا ہے ، اس لیے یاترا 24 اور 25 تاریخ کو ملتوی رہے گی۔
کانگریس کے صدر کے عہدے کے لیے پارٹی کے ڈیلی گیٹس 17 اکتوبر کو کرناٹک میں ووٹ ڈالیں گے ۔ کرناٹک میں جہاں بھی بھارت جوڑو یاترا ہوگی، اس میں شامل 41 ڈیلی گیٹس کو اسی جگہ پر ووٹ ڈالنے کی سہولت ہوگی، جبکہ کرناٹک ریاستی کانگریس کے ڈیلی گیٹس بنگلورو میں ووٹ ڈالیں گے ۔کانگریس صدر کے عہدے کے لیے انتخاب لڑ رہے پارٹی کے سینئر لیڈر ملکارجن کھرگے کی کرناٹک آبائی ریاست بھی ہے ۔