منریگا کو زیادہ مؤثر طریقے سے نافذ کیا جانا چاہئے:وزیر اعظم مودی

نئی دہلی//
وزیر اعظم نریندر مودی نے جمعرات کو عہدیداروں سے مہاتما گاندھی نیشنل ایمپلائمنٹ گارنٹی ایکٹ (ایم جی این آر ای جی اے ) کو زیادہ موثر انداز میں نافذ کرنے کی اپیل کی۔
مودی نے عہدیداروں کو عوامی شرکت کے جذبے کی اہمیت پر بھی زور دیا اور کہا کہ یہ طریقہ غذائی قلت سے نمٹنے میں اہم کردار ادا کرسکتا ہے ۔
وزیر اعظم یہاں سشما سوراج بھون میں منعقدہ اسسٹنٹ سکریٹری پروگرام۲۰۲۲کے اختتامی اجلاس میں انڈین ایڈمنسٹریٹو سروس (آئی اے ایس) کے۲۰۲۰بیچ کے افسران سے خطاب کر رہے تھے ۔
وزیر اعظم کو اسسٹنٹ سکریٹریوں نے آٹھ اسکیموں نیوٹریشن مہم اور ماہی گیری سمیت پریزنٹیشن پیش کیں۔
آزادی کے امرت عہد میں ترقی یافتہ ہندوستان کے مقصد کے حصول کو یقینی بنانے میں افسران کے کردار کو اہم قرار دیتے ہوئے وزیر اعظم نے کہا کہ افسران کو ایک جامع نقطہ نظر اپنانا چاہئے ۔
وزیر اعظم کے دفتر سے جاری ایک ریلیز کے مطابق مودی نے افسران کو بتایا کہ کس طرح ان کی حکومت ’ٹوٹل سرکار‘کے وژن کے ساتھ ایک ٹیم کے طور پر کام کر رہی ہے ۔
مودی نے عہدیداروں سے کہا کہ وہ ایک ضلع ایک پروڈکٹ اور خواہش مند ضلع پروگرام پر توجہ دیں۔جن دھن یوجنا کی کامیابی کا حوالہ دیتے ہوئے وزیر اعظم نے افسران سے کہا کہ وہ اس بات کو یقینی بنانے کیلئے کام کریں کہ دیہات کے لوگ ڈیجیٹل معیشت تک رسائی حاصل کر سکیں اور یو پی آئی ادائیگیوں کے ذریعہ جڑیں۔