زخمی بمراہ کی جگہ سراج نے لی ورلڈ کپ سے باہر ہونے کا خدشہ

بئی/ گواہاٹی//انڈین کرکٹ ٹیم کے فاسٹ باؤلر جسپرت بھمرا ہوم گراؤنڈ پر جاری جنوبی افریقہ کے خلاف ٹی20 سیریز میں انجری کا شکار ہوگئے ہیں، جس کے بعد اگلے ماہ آسٹریلیا میں شروع ہونے والے ٹی20 ورلڈ کپ میں ان کی شرکت مشکوک ہوگئی ہے۔
محدود اوورز کی کرکٹ میں ہندوستان کے لیے بہترین کارکردگی کا مظاہرہ کرنے والے 28 سالہ باؤلر جسپریت بھمرا حال ہی میں انجری کی وجہ سے ایشیا کپ سے بھی باہر ہوگئے تھے۔جسپریت بھمرا نے رواں ماہ آسٹریلیا کے خلاف 20 اوورز کے میچوں کی ہوم سیریز کھیلی تھی مگر اچانک سے انجری کا شکار ہونے کے باعث وہ جنوبی افریقا کے خلاف ٹی20 سیریز کے بقیہ میچوں میں ٹیم کی نمائندگی سے محروم ہوگئے ہیں۔
ہندوستانی کرکٹ بورڈ (بی سی سی آئی) کے ذرائع کا حوالہ دیتے ہوئے مقامی میڈیا نے دعویٰ کیا کہ جسپریت بھمرا ورلڈ کپ سے باہر ہوگئے ہیں جہاں 2007 ورلڈ کپ کا چیمپیئن بھارت اپنے روایتی حریف پاکستان کے خلاف 23 اکتوبر کو میلبرن کے میدان میں اپنی مہم شروع کرے گا۔
دوسری جانب بی سی سی آئی کے ترجمان نے باؤلر کے ورلڈ کپ سے باہر ہونے کی تصدیق سے انکار کردیا جبکہ بورڈ کے سیکریٹری جے شاہ نے کہا کہ جسپریت بھمرا صرف جنوبی افریقہ کے خلاف سیریز سے باہر ہیں۔جے شاہ نے کہا کہ جسپریت بھمرا انجری سے دوچار ہیں، جن کا بی سی سی آئی کی میڈیکل ٹیم کی نگرانی میں علاج جاری ہے۔جسپریت بھمرا کی جگہ اب محمد سراج جنوبی افریقہ کے خلاف اگلے دونوں میچوں میں بھارتی ٹیم کا حصہ ہوں گے۔
خیال رہے کہ ہندوستان نے رواں ماہ کے شروع میں آسٹریلیا کوٹی20 سیریز میں1-2 سے شکست دی تھی جبکہ اب جنوبی افریقا کے خلاف تین میچوں کی سیریز میں 0-1 سے برتری حاصل ہے۔
تاہم، ورلڈ کپ سے قبل بھارتی ٹیم کی باؤلنگ میں مسائل کے خدشات پیدا ہوگئے ہیں جہاں بھونیشور کمار اور ارشدیپ سنگھ کے فائنل اوورز میں بھارت کو رنز روکنے میں مشکلات کا سامنا ہے، اسی لیے بھارت کو جسپریت بھمرا کے انجری سے بحالی کی امید تھی۔
بھارتی ٹیم کو جسپریت بھمرا کے علاوہ بلے باز دیپک ہودا کی فٹنس کے حوالے سے بھی پریشانی کا سامنا ہےکیونکہ جنوبی افریقہ کے خلاف سیریز میں انجری کی وجہ سے وہ باہر ہوگئے ہیں۔