لندن//
انگلینڈ اور بھارت کی خواتین کرکٹ ٹیموں کے مابین تین ایک روزہ بین الاقوامی میچوں پر مشتمل سیریز کا دوسرا میچ 21ستمبر کو سینٹ لارنس گراؤنڈ، کینٹربری میں کھیلا جائے گا۔ بھارتی ٹیم کو میزبان خواتین ٹیم کے خلاف ون ڈے سیریز میں 0-1 کی برتری حاصل ہے ،بھارتی ویمن نے پہلے ون ڈے میچ میں انگلینڈ ویمن کو 7 وکٹوں سے شکست دی تھی۔
اس سے قبل برطانوی خواتین ٹیم نے بھارتی ویمن کو تین ٹی ٹونٹی میچوں کی سیریز میں 1-2 سے شکست دی تھی۔ بھارتی خواتین ٹیم انگلینڈ کے دورہ پر ہے اور وہ اپنے دورہ انگلینڈ کے دوران میزبان خواتین ٹیم کے خلاف تین ٹی ٹونٹی میچوں کی سیریز کے بعد اب تین ایک روزہ بین الاقوامی میچوں کی سیریز کھیلنے میں مصروف ہے ۔ بھارتی ٹیم کی قیادت ہرمن پریت کور کریں گی ۔دونوں ٹیموں کے درمیان تین ون ڈے میچوں کی سیریز کا دوسرا ون ڈے انٹرنیشنل میچ 21 ستمبر کو سینٹ لارنس گراؤنڈ، کینٹربری میں کھیلا جائے گا جبکہ تیسرا اور آخری میچ 24 ستمبر کو لارڈز ، لندن میں کھیلا جائے گا۔
