سوپورجھڑپ:ایک جنگجو‘کارروائی جاری

سرینگر/ 31 اگست
شمالی کشمیر کے سوپورکے بومئی علاقے میں بدھ کو جاری تصادم میں ایک جنگجو مارا گیا ہے۔
سرکاری ذرائع نے ایک مقامی خبر رساں ایجنسی کو بتایا کہ جاری تصادم میں ایک جنگجو مارا گیا ہے، تاہم مارے گئے جنگجو کی شناخت کا ابھی تک پتہ نہیں چل سکا ہے۔
امکان ظاہر کیا جارہاہے کہ محاصرے میں تین جنگجو پھنسے ہو ئے ہیں۔
اس سے قبل ایک مقامی خبر رساں ایجنسی کی ایک رپورٹ میں کہا گیا تھاکہ پولیس، سی آر پی ایف اور فوج کی ایک مشترکہ ٹیم نے بومئی کے علاقے کو گھیرے میں لے کر عسکریت پسندوں کی موجودگی کی مخصوص اطلاع کی بنیاد پر تلاشی مہم شروع کرنے کے بعد فائرنگ کا تبادلہ شروع ہوا۔
رپورٹ میں مزید کہا گیا ہے کہ جیسے ہی سیکورٹی فورسز نے اس جگہ کامحاصرہ کیا جہاں عسکریت پسند چھپے ہوئے تھے تو ملی ٹنٹوں نے ان پر فائرنگ کی ۔
دریں اثنا، جموں و کشمیر پولیس نے اپنے آفیشل ٹویٹر ہینڈل پر بتایا کہ سوپور کے بومئی علاقے میں جھڑپ شروع ہو گیا ہے۔
اس میں مزید کہا گیا کہ، پولیس اور سکیورٹی فورسز کام پر ہیں، جبکہ مزید تفصیلات اسی کے مطابق شیئر کی جائیں گی۔