بومئی سوپور میں ملی ٹنٹوں اور فورسز میں فائرنگ کا تبادلہ

سوپور/ 31 اگست
شمالی کشمیر کے بارہمولہ ضلع کے سوپور کے بومئی علاقے میں بدھ کی شام ملی ٹنٹوں اور سیکورٹی فورسز کے درمیان معرکہ آرائی شروع ہوئی۔
ایک مقامی خبر رساں ایجنسی کی ایک رپورٹ میںہے کہ پولیس، سی آر پی ایف اور فوج کی ایک مشترکہ ٹیم نے بومئی کے علاقے کو گھیرے میں لے کر عسکریت پسندوں کی موجودگی کی مخصوص اطلاع کی بنیاد پر تلاشی مہم شروع کرنے کے بعد فائرنگ کا تبادلہ شروع ہوا۔
رپورٹ میں مزید کہا گیا ہے کہ جیسے ہی سیکورٹی فورسز نے اس جگہ کامحاصرہ کیا جہاں عسکریت پسند چھپے ہوئے تھے تو ملی ٹنٹوں نے ان پر فائرنگ کی ۔
دریں اثنا، جموں و کشمیر پولیس نے اپنے آفیشل ٹویٹر ہینڈل پر بتایا کہ سوپور کے بومئی علاقے میں جھڑپ شروع ہو گیا ہے۔
اس میں مزید کہا گیا کہ، پولیس اور سکیورٹی فورسز کام پر ہیں، جبکہ مزید تفصیلات اسی کے مطابق شیئر کی جائیں گی۔