مودی نے آسٹریلیائی خواتین کرکٹ ٹیم کی تعریف کی

نئی دہلی// وزیر اعظم نریندر مودی نے پیر کو نیوزی لینڈ میں جاری آئی سی سی 2022 خواتین کرکٹ ورلڈ کپ میں آسٹریلیائی خواتین ٹیم کی شاندار کارکردگی کی تعریف کی۔
مودی نے آسٹریلوی وزیر اعظم اسکاٹ موریسن کو کہا، ”آئی سی سی خواتین ورلڈ کپ میں آسٹریلیا کی خواتین کرکٹ ٹیم کی شاندار کارکردگی پر آپ کو بہت بہت مبارک ۔ آسٹریلیا نے ہندوستان کے خلاف ہفتہ کا میچ جیت لیا تھا، لیکن ٹورنامنٹ ابھی بھی جاری ہے۔ میں دونوں ممالک کی ٹیموں کے لیے نیک خواہشات کا اظہار کرتا ہوں۔
قابل ذکر ہے کہ ہندوستانی خواتین ٹیم کو ہفتہ کے روز آکلینڈ کے ایڈن پارک میں ورلڈ کپ لیگ میچ میں آسٹریلیا کے ہاتھوں چھ وکٹوں سے شکست کا سامنا کرنا پڑا تھا۔ اس جیت کے ساتھ ہی آسٹریلیا سیمی فائنل کے لیے کوالیفائی کرنے والی پہلی ٹیم بن گئی تھی۔
(یوین آئی)