اسرائیل نے فوج کو غزہ پر حملوں کے لئے تیاری کا حکم دے دیا

تل ابیب، 6 اکتوبر (یو این آئی) اسرائیل کے وزیرِ دفاع ایسرائیل کاٹز نے دعویٰ کیا ہے کہ اِسے حماس کے، غزہ میں قابض اسرائیلی فوجیوں پر، حملے کی تیاریوں میں ہونے کی خفیہ اطلاعات موصول ہوئی ہیں۔
اسرائیلی ذرائع ابلاغ کے مطابق کاٹز نے کہا ہے کہ اس نے اسرائیلی فوج کو کسی بھی ممکنہ بدترین صورتحال سے نمٹنے کے لیے تیاری رہنے کی ہدایت کی ہے۔
کاٹز نے دھمکی دی ہے کہ کسی بھی حملے کی صورت میں غزہ کے عوام کو ’’بھاری قیمت چکانا پڑے گی‘‘۔
واضح رہے کہ جیسے جیسے اسرائیل میں 27 اکتوبر کو متوقع انتخابات قریب آ رہے ہیں اسرائیلی ذرائع ابلاغ اس امکان کی جانب اشارہ کرنا شروع ہو گئے ہیں کہ تل ابیب حکومت، غزہ اور لبنان پر حملوں میں اضافے کے ساتھ ساتھ ایران پر بھی، حملے کر سکتی ہے۔
روزنامہ اسرائیل ہیوم کی خبر کے مطابق اسرائیل امریکہ کی شمولیت کے بغیر ایران پر ایک نئے حملے کی تیاری کر رہا ہے۔