سری نگر؍۲۱ ستمبر
جموں و کشمیر کے نائن وزیر اعلیٰ‘سریندر چودھری نے پیر کے روز جموں و کشمیر قانون ساز اسمبلی کے سات روزہ خزاں اجلاس کے پہلے دن احتجاج کرنے والے بی جے پی ارکان اسمبلی کو تنقید کا نشانہ بنایا۔
ایوان کے اندر بی جے پی ارکان کی جانب سے کیے گئے احتجاج پر ردعمل ظاہر کرتے ہوئے چودھری نے کہا کہ حکومت جموں و کشمیر کے عوام کو درپیش مسائل پر ارکان اسمبلی کی جانب سے اٹھائے گئے سوالات اور خدشات کا جواب دینے کے لیے تیار ہے۔
چودھری نے احتجاج کرنے والے بی جے پی ارکان اسمبلی کا حوالہ دیتے ہوئے کہا، ’’ہمارے وزراء یہاں ہر معاملے کا جواب دینے کے لیے موجود ہیں، لیکن یہ لوگ سننے کے لیے تیار نہیں ہیں۔‘‘
نائب وزیر اعلیٰ نے جموں و کشمیر کے عوام سے اپیل کی کہ وہ اسمبلی میں بی جے پی ارکان اسمبلی کے طرزِ عمل کا نوٹس لیں۔
چودھری نے کہا، ’’میں جموں و کشمیر کے عوام سے اپیل کرتا ہوں کہ وہ بی جے پی ارکان اسمبلی کا اصل چہرہ دیکھیں، جو عوامی فلاح و بہبود کے کام نہیں ہونے دینا چاہتے۔‘‘
یہ بیان خزاں اجلاس کے پہلے روز بی جے پی ارکان اسمبلی کی جانب سے کیے گئے احتجاج کے دوران سامنے آیا، جب ایوان کے اندر مختلف مسائل اٹھائے گئے۔
سات روزہ اجلاس کے دوران عوامی، ترقیاتی اور انتظامی امور سے متعلق مختلف معاملات پر بحث متوقع ہے، جبکہ حکومتی اور اپوزیشن ارکان اپنے اپنے حلقوں اور مجموعی طور پر جموں و کشمیر سے متعلق مسائل ایوان میں اٹھائیں گے۔
۔۔۔۔(ویب ڈیسک)
