مودی نے تلنگانہ حادثے میں لوگوں کی موت پر دکھ کا اظہار کیا

نئی دہلی، 26 اگست (یو این آئی) وزیرِ اعظم نریندر مودی نے تلنگانہ کے سوریہ پیٹ میں ایک سڑک حادثے میں لوگوں کی ہلاکت پر دکھ کا اظہار کیا ہے۔
وزیرِ اعظم کے دفتر نے بدھ کے روز بتایا کہ مسٹر مودی نے اس حادثے پر دکھ کا اظہار کیا ہے اور حادثے میں زخمی ہونے والے لوگوں کے جلد صحتیاب ہونے کی بھی دعا کی ہے۔
وزیرِ اعظم کے دفتر نے ایک پوسٹ میں وزیرِ اعظم کے حوالے سے کہا ہے، "تلنگانہ کے سوریہ پیٹ میں ہوئے حادثے کے بارے میں جان کر انتہائی دکھ ہوا۔ جنہوں نے اپنے پیاروں کو کھویا ہے، ان کے تئیں میری تعزیت۔ زخمیوں کے جلد صحتیاب ہونے کی دعا کرتا ہوں۔”
قابلِ ذکر ہے کہ تلنگانہ میں سوریہ پیٹ ضلع کے کوڈاڈ منڈل میں آج علی الصبح ایک پرائیویٹ بس کے کھڑے ہوئے ٹرک سے ٹکرا جانے سے پانچ خواتین سمیت چھ مسافروں کی موت ہو گئی اور کئی دیگر زخمی ہو گئے۔