ای ایس ڈی ایس سافٹ ویئر سلوشن کا آئی پی او 28 اگست کو کھلے گا

نئی دہلی، 25 اگست (یو این آئی) آئی ٹی سلیوشنز فراہم کرنے والی کمپنی "ای ایس ڈی ایس سافٹ ویئر سلوشن” کی ابتدائی عوامی پیشکش (آئی پی او) 28 اگست کو کھلے گا اور یکم ستمبر تک دستیاب رہے گا۔
کمپنی نے ایک روپیہ فیس ویلیو والے ایکویٹی شیئر کی قیمت کا دائرہ (پرائس بینڈ) 408 روپے سے 429 روپے مقرر کیا ہے۔ ہر بِڈر کو کم از کم 34 ایکویٹی شیئرز کے لیے اور اس کے بعد 34 کے ملٹیپل میں بولی لگانی ہوگی۔ آئی پی او سے پہلے کمپنی کے ایکویٹی شیئرز کی تعداد 10,04,27,753 ہے۔ کمپنی کا منصوبہ زیادہ سے زیادہ 720 کروڑ روپے کا سرمایہ اکٹھا کرنے کا ہے۔
سال 2005 میں قائم شدہ ای ایس ڈی ایس سافٹ ویئر سلوشن ملک میں اے آئی سے لیس کلاؤڈ، مینیجڈ سروسز، ڈیٹا سینٹر انفراسٹرکچر اور سافٹ ویئر سلوشنز فراہم کرتی ہے۔ مالیاتی سال 2025-26 میں اس کا آپریشنل ریونیو 472.21 کروڑ روپے رہا تھا۔ ای ایس ڈی ایس ملک کے ابتدائی کلاؤڈ سروس فراہم کنندگان میں سے ایک تھی، جس نے کمیونٹی کلاؤڈ سروس کی پیشکش کی۔ کمپنی مختلف شعبوں کے صارفین کو خدمات فراہم کرتی ہے، جن میں بنیادی طور پر بینکنگ، مالیاتی خدمات اور انشورنس کمپنیاں، مرکزی، ریاستی اور مقامی گورنمنٹ کے شعبے، پبلک سیکٹر کمپنیاں، سرکاری ایجنسیاں اور ادارے اور مختلف بزنس اور انٹرپرائز صارفین شامل ہیں۔