سرینگر/۲۵؍اگست
نیشنل کانفرنس کے صدر ڈاکٹر فاروق عبداللہ نے منگل کو کہا کہ جموں و کشمیر کے عوام کو مرکز سے معاشی رعایتیں مانگنے کے بجائے خود کفیل ہونے کی کوشش کرنی چاہیے۔ انہوں نے کہا کہ خودداری کا مطالبہ اور دہلی پر مسلسل انحصار ایک ساتھ نہیں چل سکتے۔
بجلی کے نرخوں میں حالیہ اضافے سے متعلق سوال کے جواب میں نامہ نگاروں سے بات کرتے ہوئے فاروق عبداللہ نے کہا، ’’آپ کب تک غلام رہیں گے؟ ایک وقت آنا چاہیے جب ہمیں اپنے پاؤں پر کھڑا ہونا ہوگا۔ آپ کب کھڑے ہوں گے؟ کب تک دہلی سے بھیک مانگتے رہیں گے؟ آپ دفعہ۳۷۰ چاہتے ہیں، لیکن بھیک بھی مانگتے ہیں۔ یہ دونوں چیزیں ساتھ نہیں چل سکتیں۔‘‘
تین مرتبہ وزیر اعلیٰ رہ چکے فاروق عبداللہ نے کہا کہ اگر جموں و کشمیر کے عوام خودداری چاہتے ہیں تو انہیں سب سے پہلے اپنے پاؤں پر کھڑا ہونے کی کوشش کرنی چاہیے۔
۔۔۔۔۔۔
ایجنسیاں
