نئی دہلی/۲۲؍اگست
جموں و کشمیر کے لیفٹیننٹ گورنر منوج سنہا نے ہفتہ کو نئی دہلی میں وزیر اعظم نریندر مودی سے ملاقات کی۔ اس موقع پر انہوں نے وزیر اعظم کو مرکز کے زیر انتظام جموں و کشمیر کی مجموعی صورتحال اور حالیہ پیش رفت سے آگاہ کیا۔
ذرائع کے مطابق ملاقات میں جموں و کشمیر سے متعلق مختلف اہم امور زیر بحث آئے۔ دونوں رہنماؤں نے مرکز کے زیر انتظام علاقے میں موجودہ حالات کے ساتھ ساتھ سلامتی، انتظامی معاملات اور ترقیاتی سرگرمیوں سے متعلق صورتحال کا جائزہ لیا۔
لیفٹیننٹ گورنر نے وزیر اعظم کو علاقے میں ہونے والی تازہ پیش رفت اور مجموعی انتظامی و ترقیاتی منظرنامے کے بارے میں بریف کیا۔ ملاقات کے دوران جموں و کشمیر سے متعلق دیگر اہم معاملات پر بھی تبادلہ خیال کیا گیا۔
یہ ملاقات نئی دہلی میں ہوئی، تاہم اس کے حوالے سے مزید تفصیلات فوری طور پر سامنے نہیں آ سکیں۔
۔۔۔
ایجنسیاں
