کولار اوپن کا دوسرا ایڈیشن 18 اگست سے شروع ہوگا

کولار (کرناٹک)، 17 اگست (یواین آئی) کولار اوپن کا دوسرا ایڈیشن 18 سے 21 اگست 2026 تک کرناٹک کے کولار میں واقع شاندار زیون ہلز گولف کاؤنٹی میں کھیلا جائے گا۔ ٹورنامنٹ کی کل انعامی رقم 1 کروڑ روپے ہے۔
مقابلے میں حصہ لینے والے اہم ہندستانی پیشہ ور کھلاڑیوں میں ڈی پی ورلڈ پی جی ٹی آئی آرڈر آف میرٹ میں ٹاپ پر چل رہے سپتک تلوار، ویر اہلاوت، اوم پرکاش چوہان، منو گنڈاس، شوریہ بھٹاچاریہ، شبہم جگلان اور دفاعی چیمپئن کشتیج نوید کول شامل ہیں۔
ٹورنامنٹ میں حصہ لینے والے اہم غیر ملکی کھلاڑیوں میں سری لنکا کے این تھنگاراجا اور متھن پریرا، بنگلہ دیش کے جمال حسین اور بادل حسین، نیپال کے سبھاش تمانگ، چیکیا کے اسٹیپن ڈینیک، امریکہ کے کوئیچیرو ساتو
اور ڈومینک پچیریلو، جاپان کے کوئیچیرو اشیکا اور تائیگا تناکا، یوگنڈا کے جوشوا سیل اور مارون کبیریگے، نیز کناڈا کے سکھراج سنگھ گل شامل ہیں۔
مقابلے میں حصہ لینے والے بنگلورو کے اہم پیشہ ور کھلاڑیوں میں منوج ایس، چکارنگاپا ایس، راہل گنگا جی، ماری متھو آر، اکشے نرنجن اور ورون متھاپا شامل ہیں۔