سرینگر/۲۴جولائی
جنوبی ضلع کولگام کے رام پورہ گاوں میں ہفتے کی شام کو فورسز اور جنگجووں کے مابین تصادم آرائی کے دوران جنگجو فرار ہونے میں کامیاب ہوئے ۔
ذرائع سے معلوم ہوا ہے کہ ہفتے کی شام کو جنگجووں کی موجودگی کی اطلاع ملنے پر فوج بشمول آرمی، سپیشل آپریشن گروپ(ایس او جی)اور سی آر پی ایف نے جنوبی ضلع کولگام کے رامپورہ علاقے کا محاصرہ کیا۔
ذرائع نے بتایا کہ جوں ہی فوج تلاشی کارروائیوں کے دوران اس مقام کے قریب پہنچے جہاں جنگجو پناہ گزیں تھے تو ملی ٹینٹوں نے فوجی پارٹی پر فائرنگ شروع کی اور فوج نے بھی جوابی کارروائی کی جس کے نتیجے میں معرکہ آرائی شروع ہوئی۔انہوں نے نے بتایا کہ گر چہ گاوں کو پوری طرح سے سیل کرکے چار دائروں والی سیکورٹی تعینات کی گئی لیکن اس کے باوجود اتوار کی صبح ملی ٹینٹوں کا کئی پر اتہ پتہ نہیں چل سکا۔
ذرائع کا کہنا ہے کہ رات کی تاریکی کا فائدہ اُٹھا کر جنگجو فرار ہونے میں کامیاب ہوئے ہیں۔پولیس ذرائع نے بتایا کہ گاوں میں تلاشی آپریشن ہنوز جاری ہے
