ایجنسیاں
سری نگر؍۱۴ جولائی
جموں و کشمیر حکومت نے کشمیر ڈویژن اور جموں ڈویژن کے ونٹر زون میں واقع تمام سرکاری ڈگری کالجوں کے لیے گرمیوں کی تعطیلات کا اعلان کر دیا ہے۔
اعلیٰ تعلیم محکمہ، سول سیکریٹریٹ کی جانب سے جاری ایک حکومتی حکم نامے کے مطابق کشمیر ڈویژن اور جموں ڈویژن کے ونٹر زون کے تمام گورنمنٹ ڈگری کالج۲۱ جولائی۲۰۲۶ سے۲؍اگست تک گرمیوں کی تعطیلات منائیں گے۔
۱۴ جولائی۲۰۲۶ کو جاری کیے گئے اس حکم نامے کو حکومت جموں و کشمیر کی منظوری کے بعد محکمہ اعلیٰ تعلیم نے نافذ کیا ہے۔
حکومتی حکم نامے پر حکومت کے کمشنر/سیکریٹری رام نواس شرما (آئی اے ایس) کے دستخط ہیں، جبکہ حکومت کے ڈپٹی سیکریٹری سنجے کمار ٹکو (جے کے اے ایس) نے اس سلسلے میں متعلقہ حکام کو باضابطہ مراسلہ جاری کیا ہے۔
حکومت کے اس فیصلے سے شدید گرمی کے موسم میں طلبہ، اساتذہ اور غیر تدریسی عملے کو راحت ملے گی، جبکہ تعطیلات کے اختتام کے بعد تعلیمی سرگرمیاں دوبارہ معمول کے مطابق شروع ہوں گی۔
