ایجنسیز
سرینگر؍۲۳مئی
۴۸سالہ ایک شخص کو ایس ایم ایچ ایس اسپتال سرینگر میں مردہ قرار دیا گیا، جہاں اسے پولیس پارٹی کی جانب سے بے ہوشی کی حالت میں منتقل کیا گیا تھا۔
اسپتال ذرائع نے ایک مقامی خبر رساں ایجنسی کو بتایا کہ متوفی کی شناخت سونم نامگیال ولد چنگ دورگی ساکن پنچیراہ کرگل، حال مقیم حیدرپورہ سرینگر کے طور پر ہوئی ہے۔
دستیاب اطلاعات کے مطابق پولیس پوسٹ ہمہامہ کی ایک پارٹی نے مذکورہ شخص کو بے ہوشی کی حالت میں پانے کے بعد ایس ایم ایچ ایس اسپتال منتقل کیا۔ تاہم اسپتال پہنچنے پر ڈاکٹروں نے اسے مردہ قرار دیا۔
رپورٹ درج کیے جانے تک موت کی فوری وجہ اور اس سے متعلق حالات واضح نہیں ہو سکے تھے۔
معمول کے میڈیکو لیگل طریقہ کار کے تحت پولیس کی جانب سے موت کی اصل وجہ معلوم کرنے کے لیے مزید قانونی اور طبی کارروائی عمل میں لائی جائے گی۔
واقعے کے سلسلے میں مزید کارروائی شروع کر دی گئی ہے۔
