ایجنسیز
سرینگر؍۹مئی
قائدِ حزبِ اختلاف (ایل او پی) اور بھارتیہ جنتا پارٹی (بی جے پی) کے سینئر رہنما سنیل شرما نے ہفتہ کے روز الزام عائد کیا کہ نیشنل کانفرنس (این سی) اندرونی ’بیماری‘ کے باعث ’وینٹی لیٹر‘ پر ہے اور خبردار کیا کہ کسی بھی’توسیع‘ سے پارٹی عمودی طور تقسیم ہو جائے گی۔
سینئر بی جے پی رہنما نے دعویٰ کیا کہ صرف چند افراد، جنہیں بی جے پی کے خلاف بولنے کی ذمہ داری دی گئی ہے، این سی کی اندرونی صحت کو خراب کرنے کے ذمہ دار ہیں۔ انہوں نے این سی ہیڈکوارٹر نوائے صبح میں حالیہ احتجاج کو بھی گہرے ہوتے بحران سے جوڑا۔
شرما نے کہا’’این سی ہیڈکوارٹر میں جو کچھ ہوا، وہ انہی لوگوں کی وجہ سے ہوا جنہیں ہمارے خلاف بولنے کی ڈیوٹی دی گئی ہے۔ یہی اس بیماری کی وجہ ہے‘‘۔
ایل او پی شرما نے دعویٰ کیا کہ یہ بیماری اب ناقابلِ علاج حد تک پھیل چکی ہے۔ ’’اگر وہ معمولی سی بھی توسیع کریں گے تو دو دھڑے بن جائیں گے۔ نیشنل کانفرنس دو حصوں میں تقسیم ہو جائے گی۔ وہ تھیلے کی طرح گر جائے گی۔ بیماری اتنی گہری ہو چکی ہے کہ اس کا کوئی علاج نہیں‘‘۔
شیو سینا کی تقسیم سے موازنہ کرتے ہوئے انہوں نے کہا کہ پارٹی نے یہ بحران خود پیدا کیا ہے۔ ’’دو شیو سینا خود انہی لوگوں نے بنائیں۔ چاہے جتنی کوشش کر لیں، گھر ٹوٹ چکا ہے۔ اس میں ایک بڑا شگاف پڑ چکا ہے اور کسی بھی وقت آپ دیکھیں گے کہ یہ دیوار گر گئی ہے‘‘۔
تاہم، انہوں نے اس معاملے میں اپنی جانب سے کسی بھی مداخلت کو خارج از امکان قرار دیا۔’’نہ ہی ہم اس پر یقین رکھتے ہیں۔‘‘
