ایجنسیز
راجوری/۱۰؍اپریل
جموں و کشمیر کے ضلع راجوری میں سیکورٹی فورسز نے جمعہ کے روز ایک مشتبہ آئی ای ڈی نما باکس برآمد کیا ہے جس میں دو گرینیڈز موجود تھے، جس کے بعد علاقے کو محاصرے میں لے لیا گیا۔
حکام کے مطابق سندربنی کے تھندی پانی علاقے میں مقامی لوگوں نے مشتبہ شے دیکھی، جس کی اطلاع ملتے ہی سیکورٹی اہلکار موقع پر پہنچ گئے اور علاقے کو گھیرے میں لے لیا۔
انہوں نے بتایا کہ یہ مشتبہ مواد ایک پانی کے ذخیرے کے قریب پڑا ہوا تھا، جس میں ایک باکس کے اندر دو گرینیڈز بند تھے۔
حکام نے مزید کہا کہ بم ناکارہ بنانے والی ٹیم کو طلب کر لیا گیا ہے تاکہ اس مواد کو محفوظ طریقے سے تلف کیا جا سکے۔
