صدرِ جمہوریہ نے عید الفطر کی مبارکباد دی

نئی دہلی، 20 مارچ (یواین آئی) صدر جمہوریہ دروپدی مرمو نے عید الفطر کے مقدس موقع پر ملک کے عوام، بالخصوص ہندوستان اور بیرونِ ملک مقیم مسلم بھائیوں اور بہنوں کو دلی مبارکباد اور نیک خواہشات پیش کی ہیں۔
اپنے پیغام میں صدر نے کہا کہ رمضان کے مقدس مہینے کے اختتام پر منایا جانے والا یہ تہوار خود پر قابو، سخاوت اور محرومین کے لیے ہمدردی کا گہرا پیغام دیتا ہے۔ انہوں نے زور دے کر کہا کہ عید محبت، بھائی چارے، امن اور باہمی ہم آہنگی کی علامت ہے۔
صدر نے عوام سے اپیل کی کہ یہ تہوار ہمیں ہر شخص کی بھلائی کے لیے کام کرنے کی ترغیب دیتا ہے۔ انہوں نے اس موقع پر معاشرے میں اتحاد و ہم آہنگی کو فروغ دینے، ضرورت مندوں کی مدد کرنے اور قوم کی ترقی میں حصہ ڈالنے کا عزم کرنے کی درخواست کی۔