سرینگر؍۱۴مارچ
پلوامہ میں منشیات کے خلاف کارروائی کرتے ہوئے پولیس نے لِتر علاقے میں ناکہ چیکنگ کے دوران ایک منشیات فروش کو گرفتار کر کے اس کے قبضے سے چرس نما مادہ برآمد کیا ہے۔
پولیس کے بیان کے مطابق پولیس اسٹیشن لِتر کی ایک ٹیم نے راکھ لِتر میں قائم ناکہ پر پیدل چلنے والوں اور گاڑیوں کی تلاشی شروع کر رکھی تھی۔ اسی دوران ایک شخص پلاسٹک بیگ لیے لِٹر سے راکھ لِٹر کی طرف آتا ہوا نظر آیا۔
پولیس کے مطابق جب اس شخص نے پولیس پارٹی کو دیکھا تو اس نے موقع سے فرار ہونے کی کوشش کی، تاہم پولیس ٹیم نے فوری کارروائی کرتے ہوئے اسے قابو کر لیا۔
تلاشی کے دوران اس کے قبضے سے قابلِ ذکر مقدار میں چرس نما مادہ برآمد کیا گیا۔ گرفتار شخص کی شناخت نواز احمد خان ولد گل محمد خان ساکن واچی، شوپیان کے طور پر ہوئی ہے۔
اس سلسلے میں پولیس اسٹیشن لِٹر میں ایف آئی آر نمبر۲۹/۲۰۲۶کے تحت متعلقہ دفعات کے تحت مقدمہ درج کر کے تحقیقات شروع کر دی گئی ہے۔
بیان میں کہا گیا ہے کہ جموں و کشمیر پولیس معاشرے سے منشیات کے ناسور کو ختم کرنے کے لیے اپنی کوششیں جاری رکھے ہوئے ہے اور عوام سے اپیل کی گئی ہے کہ وہ منشیات کی اسمگلنگ سے متعلق کسی بھی معلومات کو پولیس کے ساتھ شیئر کر کے تعاون کریں۔
