رام بن میں ٹینکر کے نالے میں جا گرنے سے ڈرائیور کی موت

جموں//
جموں کشمیر کے ضلع رام بن کے پیراہ علاقے میں جمعے کی علی الصبح ایک ٹینکر سڑک سے لڑھک کر ایک گہرے نالے میں گرجانے سے اس کے ڈرائیور کی بر سر موقع ہی موت واقع ہوگئی۔
سرکاری ذرائع نے بتایا کہ جموں سے سری نگر جا رہا ایک ٹینکر رام بن میں پیرا علاقے کے نزدیک جمعے کی علی الصبح قریب تین بجے لڑھک کر گہرے نالے میں جا گرا جس کے نتیجے میں ڈارئیور کی بر سر موقع ہی موت واقع ہوگئی۔
متوفی ڈرائیور کی شناخت جاوید احمد ولد محمد یوسف ساکن چملواس بانہال کے بطور ہوئی ہے ۔انہوں نے کہا کہ ڈارئیور کی لاش کو طبی و قانونی لوازمات کی ادائیگی کے لئے ضلع ہسپتال رام بن پہنچایا گیا۔
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔