اسرائیل نے غزہ میں امداد کی فراہمی معطل کر دی:اقوام متحدہ

اقوام متحدہ، 3 مارچ (یو این آئی) اقوام متحدہ نے کہا ہے کہ اسرائیل نے غزہ میں رفح سمیت تمام راستے بند کر دیے ہیں اور ان علاقوں میں انسانی امداد کی نقل و حرکت معطل کر دی ہے جہاں اسرائیلی فورسز تاحال تعینات ہیں۔
اقوام متحدہ کے ترجمان اسٹیفان ڈوجارک نے ایک اخباری کانفرنس میں کہا کہ اسرائیل نے طبی بنیادوں پر انخلا اور لوگوں کی غزہ میں واپسی بھی معطل کردی ہے۔
ڈوجارک نے کہا اور اس بات پر زور دیا کہ غزہ میں لوگ مستقل طور پر امداد کی فراہمی پر منحصر ہیں۔
انہوں نے کہا کہ جیسا کہ آپ جانتے ہیں غزہ کے لوگ بیرون ملک سے انسانی اور تجارتی اشیاء کے مستقل بہاؤ پر انحصار کرتے ہیں۔ ذخیرے کی محدود صلاحیت اور اس جنگ زدہ علاقے میں تباہی کو مدنظر رکھتے ہوئے ہم اور ہمارے شراکت دار جاری پابندیوں کے باوجود رسد کی مستحکم اور قابل فراہمی کو برقرار رکھنے کے لیے سخت محنت کرتے رہےمگر مکمل بندش کے تحت یہ جاری نہیں رہ سکتا۔
انہوں نے مزید کہا کہ یہ بہت ضروری ہے کہ تمام گزرگاہیں جلد از جلد دوبارہ کھول دی جائیں۔