ایئر انڈیا اور سنگاپور ایئرلائنز تجارتی تعاون بڑھائیں گی

نئی دہلی، 16 جنوری (یو این آئی) ٹاٹا گروپ کی ایوی ایشن کمپنی ایئر انڈیا نے جمعہ کے روز سنگاپور ایئرلائنز کے ساتھ تجارتی تعاون بڑھانے کے لیے ایک فریم ورک معاہدے پر دستخط کیے ۔ اس فریم ورک معاہدے میں تعاون بڑھانے کے بنیادی نکات طے کیے گئے ہیں اور حتمی معاہدہ بعد میں کیا جائے گا۔ سنگاپور ایئرلائنز کی ایئر انڈیا میں 25.1 فیصد حصہ داری ہے ۔
ایئر انڈیا نے ایک پریس ریلیز میں بتایا کہ یہ معاہدہ دونوں ایئرلائنز کے لیے فیصلہ کن مشترکہ تجارتی معاہدوں کے ذریعے طویل مدتی شراکت داری کو مزید گہرا کرنے کا راستہ ہموار کرے گا۔ ایئر انڈیا کے چیف ایگزیکٹو آفیسر اور منیجنگ ڈائریکٹر کیمپبل ولسن اور سنگاپور ایئرلائنز کے چیف ایگزیکٹو آفیسر گوہ چُون فونگ نے اس معاہدے پر دستخط کیے ۔انڈیا کے چیف ایگزیکٹو آفیسر اور منیجنگ ڈائریکٹر کیمپبل ولسن اور سنگاپور ایئرلائنز کے چیف ایگزیکٹو آفیسر گوہ چُون فونگ نے اس معاہدے پر دستخط کیے ۔
ضابطہ ساز منظوریوں اور حتمی معاہدے پر دستخط کے بعد دونوں ایئرلائنز کا فوکس مصنوعات اور خدمات کی پیشکش کو بڑھانے پر ہوگا، تاکہ مسافروں کو بلا رکاوٹ رابطہ اور مزید اختیارات دستیاب ہو سکیں۔ صارف دونوں ایئرلائنز کی پروازوں میں ایک ہی مربوط سفر کے تحت بکنگ کر سکیں گے ۔ اس معاہدے کے تحت ایئر انڈیا اور سنگاپور ایئرلائنز پروازوں کے اوقات میں مزید ہم آہنگی کے اختیارات بھی تلاش کریں گی۔ کارپوریٹ مسافروں کے لیے دونوں ایئرلائنز مزید باہمی شراکت داری بھی کر سکتی ہیں۔ ایئر انڈیا نے بتایا کہ منصوبوں کے حتمی ہونے کے بعد مزید تفصیلات کا اعلان کیا جائے گا۔
دونوں ایئرلائنز سنگاپور اور ہندوستان سے باہر منتخب بازاروں میں اپنے تعاون کے دائرے کو بڑھانے کے مواقع کی تلاش کا منصوبہ بھی بنا رہی ہیں۔ اس سے عالمی رابطے کی بڑھتی ہوئی طلب کو پورا کرنے ، دونوں ایئرلائنز کے ہبز کے ذریعے ٹریفک کے بہاؤ کی معاونت کرنے ، اور ہندوستان و سنگاپور کے ہوابازی کے بازاروں کو مضبوط بنانے میں مدد ملے گی۔ اس وقت دونوں ایئرلائنز 20 ممالک اور خطوں میں 61 مقامات پر کوڈ شیئر کرتی ہیں۔ اکتوبر 2024 میں انہوں نے کوڈ شیئر شراکت داری کو وسعت دی تھی، جس میں دونوں نیٹ ورکس میں 51 بین الاقوامی اور گھریلو مقامات شامل کیے گئے تھے ۔