شبھمن گل کے جنوبی افریقہ کے خلاف ٹی20 سیریز میں شامل ہونے کا امکان

رائے پور 3 دسمبر (یو این آئی )شبھمن گل تیزی سے روبہ صحت ہورہے ہیں اور امکان ہے کہ 9 دسمبر سے شروع ہونے والی پانچ میچوں کی ٹی20 سیریز میں جنوبی افریقہ کے خلاف ان کی واپسی ہو۔
فی الحال بنگلور کے سنٹر آف ایکسیلنس میں رِیہیب کر رہےہندوستان کے ٹیسٹ اور ون ڈے کپتان نے اپنی فٹنس میں بہتری دکھا کر سلیکٹر کو متاثر کیا ہے۔ وہ بغیر کسی دشواری کے طویل وقت تک بیٹنگ اور فیلڈنگ کر چکے ہیں، جس سے امید بڑھ گئی ہے کہ وہ جلد مکمل طور پر فٹ ہو جائیں گے۔
ٹی20 سیریز کے لیے ٹیم کا حتمی اعلان ابھی باقی ہے، لیکن شبھمن گل کے شامل ہونے کی توقع ہے۔ وہ 7 دسمبر کو بھوبنیشور میں ٹیم کے ہمراہ ہوں گے اور اگر پہلے میچ میں نہ بھی کھیلیں، تو باقی میچوں میں یقینی طور پر ٹیم کا حصہ ہوں گے۔