بوکارو سے بہت جلد شروع ہوں گی تجارتی پروازیں

بوکارو، 21 نومبر (یواین آئی) جھارکھنڈ میں بوکارو اسٹیل سٹی ہوائی اڈے سے بہت جلد تجارتی پروازوں کا آغاز ہو جائے گا۔
اس کے لیے ضلع انتظامیہ زور و شور سے کام کر رہا ہے ۔ بوکارو کے ڈپٹی کمشنر اجے ناتھ جھا نے آج یہاں بتایا کہ بوکارو ہوائی اڈے کو تجارتی پروازیں شروع کرنے کے لیے جنگی بنیادوں پر کام کیا جا رہا ہے ۔ متعلقہ محکمہ کو اس کام کو مکمل کرانے کے لیے سخت ہدایات دی گئی ہیں۔
بوکارو ہوائی اڈے کی چہار دیواری کے قریب موجود تجا[؟]زات کو گزشتہ دنوں ہٹا دیا گیا ہے اور تجارتی پروازوں کے آغاز کے لیے تمام عمل جلد مکمل کیا جائے گا۔ اس کے لیے بوکارو اسٹیل سٹی انتظامیہ اور متعلقہ محکموں کو کارروائی کرنے کی ہدایت دی گئی ہے ۔
انہوں نے کہا کہ بوکارو ہوائی اڈے سے تجارتی پروازوں کے آغاز کے لیے حکومت اور ضلع انتظامیہ پرعزم ہیں۔ ابتدائی مرحلے میں بوکارو اسٹیل سٹی سے کولکاتا اور پٹنہ کے لیے تجارتی پروازیں شروع کی جائیں گی۔