کپوارہ فورسز نے کمین گاہ تباہ کر دی؛ اسلحہ و گولہ بارود برآمد

سرینگر/۲۱ نومبر
سیکورٹی فورسز نے جمعہ کے روز لائن آف کنٹرول (ایل او سی) کے قریب نوشیرہ کے نیریاں جنگل علاقے میں ایک کمین گاہ تباہ کرکے اسلحہ و گولہ بارود کی بڑی کھیپ برآمد کی۔
ایک سرکاری اہلکار نے بتایا کہ مخصوص اطلاع کی بنیاد پر ہندوارہ پولیس اور بھارتی فوج کی نوگام بریگیڈ نے نیریاں جنگل علاقے میں مشترکہ کارروائی شروع کی، جو ایل او سی کے قریب نوگام سیکٹر میں واقع ہے۔
کارروائی کے دوران مشترکہ ٹیم نے ایک بڑی کمین گاہ کا سراغ لگا کر اسے تباہ کیا، جس سے ۲؍ ایم سیریز رائفلیں بمعہ ۴ میگزین؛ ۲چینی پستول بمعہ ۳ میگزین؛ ۲ ہینڈ گرینیڈ؛ اور کچھ زندہ راؤنڈ برآمد ہوئے۔
اس سلسلے میں تھانہ قلم آباد میں ایف آئی آر نمبر۳۹/۲۰۲۵ درج کی گئی ہے اور مزید تحقیقات شروع کر دی گئی ہیں۔
سرکاری اہلکار نے مزید کہا کہ سیکورٹی فورسز امن، عوامی سلامتی، اور منشیات و دہشت گردی سے پاک معاشرے کے قیام کے لیے پْرعزم ہیں۔ایجنسیز