جموں میں انتظامیہ نے کروڑوں رویے مالیت کی سرکاری زمین باز یاب

جموں/۲۱نومبر
انسداد تجاوزات آپریشن میں بڑی کارروائی انجام دیتے ہوئے ضلع انتظامیہ جموں نے تحصیل بشنہ کے گاؤں اسکندر پور میں کروڑوں روپیے مالیت کی تقریباً ۱۳۰کنال سرکاری اور کسٹوڈیل اراضی کو بازیاب کیا ہے ۔
حکام نے بتایا کہ یہ مہم ضلع مجسٹریٹ جموں ڈاکٹر راکیش منہاس کی ہدایت پر ایس ایس پی جموں جوگندر سنگھ کے ساتھ مل کر چلائی گئی۔
حکام نے کہا کہ واپس حاصل کی گئی زمین، جو خسرہ نمبر۳۰۸/۳۸۹/۲۲۰۶کے تحت آتی ہے ، طویل عرصے سے غیر قانونی قبضے میں تھی۔
ان کا کہنا ہے کہ قبضہ کرنے والوں، جن میں این ڈی پی ایس ایکٹ کے تحت درج مقدموں میں ملوث افراد بھی شامل تھے ،نے اس زمین پر کئی غیر قانونی تعمیرات کھڑی کی تھیں۔
حکام نے بتایا کہ انتظامیہ نے سرکاری زمین پر غیر قانونی قبضہ کرنے والوں کو وارننگ دی تھی۔