دبئ۔20 نومبر (یو این آئی ) دنیا بھر کے فٹبال مداح اس سال کے گلوب ساکر ایوارڈز کے اپنے پسندیدہ نامزد امیدواروں کو ووٹ دے سکتے ہیں۔ یہ ایوارڈ تقریب 28 دسمبر کو دبئی کے پام جُمیرہ میں واقع ایٹلانٹِس دی رائل ہوٹل میں ہوگی۔ستاروں سے جگمگاتے اس ایونٹ کے 16ویں ایڈیشن میں تقریباً 15 کیٹیگریز شامل ہوں گی، جن میں سے 9 ایوارڈز کے فائنلسٹ کا فیصلہ عوامی ووٹنگ کے ذریعے ہوگا۔ عوامی ووٹنگ کا یہ پہلا مرحلہ 27 نومبر تک جاری رہے گا۔
جیتنے والوں کے انتخاب کے لیے دوسرے مرحلے کی ووٹنگ 3 دسمبر سے 11 دسمبر تک کھلی رہے گی۔ ہر کیٹیگری کے حتمی فاتحین کا فیصلہ عوامی ووٹ اور گلوب ساکر جوری ، جس میں مارسیلو لیپی، فرانچسکو ٹوٹی، ایکر کاسیاس اور لوئیس فیگو جیسے لیجنڈ شامل ہیں کے مشترکہ فیصلے سے ہوگا۔
