کولمبو،19 نومبر (یو این آئی )سری لنکن میڈیا نے انکشاف کیا ہے کہ پاکستان کا دورہ ختم کرنے کے لئے سری لنکن کپتان چریتھ اسلنکا نے کھلاڑیوں کو اکسایا تھا۔ سری لنکن میڈیا کا کہنا ہے کہ سری لنکن کرکٹ بورڈ نے سری لنکن کپتان چریتھ اسلنکا کے خلاف ایکشن لینے کی تیاری کرلی ہے، انہیں جلد کپتانی سے ہٹا دیا جائے گا۔ سری لنکن بورڈ نے اسا لنکا کو واپس بلا لیا ہے، جبکہ سہ فریقی سیریز میں شناکا کو کپتان مقرر کیا گیا ہے۔ واضح رہے کہ پاکستان میں اپنی دورہ جاری رکھنے پر پاکستان کرکٹ بورڈ (پی سی بی) کے چیئرمین محسن نقوی کا کہنا تھا کہ سری لنکا کی ٹیم کے کھلاڑیوں اور مینجمنٹ کا خصوصی طور پر شکریہ ادا کرنا چاہتا ہوں۔اُنہوں نے کہا کہ آج پرامن پاکستان کے ساتھ ہمارے مخلص دوست سری لنکا اور کرکٹ کی بھی جیت ہوئی ہے، شائقین کرکٹ نے سری لنکن ٹیم کو پوری طرح سپورٹ کیا۔
