بندوق اٹھانے والے نوجواںوں کو جینے کا دوسرا موقع دینا چاہئے :محبوبہ مفتی

سرینگر/۶جولائی
پی ڈی پی صدر اور سابق وزیر اعلیٰ محبوبہ مفتی نے کولگام جھڑپ کے دوران دو جنگجووں کے سرنڈر کرنے پر ان کے اہل خانہ کی کوششوں اور سیکورٹی فورسز کے تعاون کی سراہنا کی ہے ۔
ان کا کہنا ہے کہ اسں نوعیت کی کاوشیں جاری رہنی چاہئےں تاکہ بندوق اٹھانے والے نوجوانوں کو جینے کا دوسرا موقع مل سکے ۔
بتادیں کہ پولیس کے مطابق کولگام کے ہادی گام علاقے میں بدھ کو انکا ¶نٹر کے دوران دو مقامی جنگجووں نے اہل خانہ کی اپیل پر سیکورٹی فورسز کے سامنے سرنڈر کیا۔
محبوبہ نے اس ضمن میں اپنے ایک ٹویٹ میں کہا”دو جانیں ان کے اہل خانہ کی کاوشوں اور سیکورٹی فورسز کے تعاون کے بدولت بچ گئیں“۔
ان کا ٹویٹ میں مزید کہنا تھا”اس نوعیت کی کوششیں جاری رہنی چاہئے تاکہ ملی ٹنسی کی صفوں میں شمولیت اختیار کرنے والے نوجوانوں کو جینے کا دوسرا موقع مل سکے ۔“