کپوارہ میں ٹنگڈارِ چوکی بل اورسرینگر لیہہ شاہراہ بند

سرینگر//
شمالی ضلع کپوارہ میں تازہ بارشوں کے باعث مٹی کے تودے گر آنے سے ٹنگڈار، چوکی بل روڈ پر منگل کے روز ٹریفک کی نقل و حمل بند کر دی گئی۔
سرکاری ذرائع نے بتایا کہ بھاری بارشوں کے باعث مٹی کے تودے گر آنے سے ٹنگڈار، چوکی بل روڈ کو ٹریفک کی نقل و حمل کے لئے منگل کے روز بند کر دیا گیا۔
ذرائع نے کرناہ کے لوگوں خاص طور پر مسافروں سے مٹی کے تودوں کو صاف کرنے تک اس روڈ پر سفر کرنے سے احتراز کرنے کی اپیل کی۔
ان کا کہنا تھا کہ روڈ کو صاف کرنے اور موسم سازگار ہونے کے ساتھ ہی ٹریفک کو بحال کیا جائے گا۔
ادھر وادی کشمیر کو ملک کے باقی حصوں کے ساتھ جوڑنے والی سرینگر، جموں شاہراہ اور جنوبی کشمیر کے ضلع شوپیاں کو جموں صوبے کے ضلع پونچھ کے ساتھ جوڑنے والے تاریخی مغل روڈ پر ٹریفک کی نقل و حمل حسب معمول جاری و ساری ہے ۔
اس دوران وسطی ضلع گاندربل کے کنگن علاقے میں ممکنہ طور بادل پھٹنے سے آنے والے سیلابی ریلے کے باعث سرینگر ،یہہ شاہراہ پر منگل کے روز ٹریفک کی نقل و حمل بند کر دی گئی۔
ذرائع نے بتایا کہ کنگن کے کلن علاقے میں ممکنہ بادل پھٹنے سے سیلابی ریلے شاہ محلے میں رہائشی مکانوں میں بھی داخل ہوئے ۔انہوں نے کہا کہ سیلابی ریلے کا ملبہ سرینگر، لیہہ شاہراہ پر جمع ہوگیا جس کی وجہ سے شاہراہ پر دو طرفہ ٹریفک معطل ہو گیا۔
دریں اثنا بیکن حکام نے شاہراہ کو صاف کرنے کیلئے افرادی قوت اور مشینری کو کام پر لگا دیا ہے ۔
ادھر وادی کشمیر کو ملک کے باقی حصوں کے ساتھ جوڑنے والی سرینگر‘ جموں شاہراہ اور جنوبی کشمیر کے ضلع شوپیاں کو جموں صوبے کے ضلع پونچھ کے ساتھ جوڑنے والے تاریخی مغل روڈ پر ٹریفک کی نقل و حمل حسب معمول جاری و ساری ہے ۔