گاندربل سڑک حادثے میں سکوٹی سوار جان بحق

سرینگر//
وسطی ضلع گاندربل کے کنگن علاقے میں منگل کے روز ایک سڑک حادثے میں۲۷سالہ سکوٹی سوار کی موت واقع ہوگئی۔
سرکاری ذرائع نے بتایا کہ کنگن کے مامر علاقے میں منگل کے روز ایک ٹریک اور ایک سکوٹی کے درمیان زور دار ٹکر ہوگئی جس کے نتیجے میں سکوٹی سوار شدید زخمی ہوگیا۔
ذرائع نے کہا کہ زخمی سکوٹی سوار کو فوری طور نزدیکی ہیلتھ سینٹر پہنچایا گیا لیکن وہاں موجود ڈاکٹروں نے اس کو مردہ قرار دیا۔
متوفی کی شناخت عاشق احمد رینہ ولد غلام محمد رینی ساکن مامر کنگن کے بطور ہوئی ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔پولیس کے مطابق ٹرک ڈرائیور کو گرفتار جبکہ ٹرک کو ضبط کیا گیا ہے ۔