سری نگر میں رواں سیزن کی سرد ترین رات ریکارڈ

سرینگر/۱۰؍نومبر
وادی کشمیر میں سردیوں شدت میں روز افزوں اضافے کے ساتھ ہی گرمائی دارلحکومت سری نگر میں رواں سیزن میں پہلی بار شبانہ درجہ حرارت نقطہ انجماد سے نیچے ریکارڈ ہوا ہے ۔
کشمیر ویدر کے مرتب کردہ ڈاٹا کے مطابق سری نگر میں رواں سیزن کی اب تک کی سرد ترین رات ریکارڈ ہوئی ہے جب شبانہ درجہ حرارت منفی۱ء۰ڈگری سینٹی گریڈ ریکارڈ ہوا ہے ۔
وادی میں سیاحتی مقام پہلگام اور شوپیاں سرد ترین علاقے رہے ہیں دونوں مقامات پر شبانہ درجہ حرارت منفی۲ء۳ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی۲ء۱ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی۹ء۰ ڈگری سینٹی گریڈ ریکارڈ ہوا ہے ۔
وادی کے مشہور سیاحتی مقام سونہ مرگ میں کم سے کم درجہ حرارت منفی۶ء۲ڈگری سینٹی گریڈ ریکارڈ ہوا ہے جبکہ بارہمولہ اور بانڈی پورہ میں بالترتیب منفی۸ء۲ڈگری سینٹی گریڈ اور منفی۰ء۲ڈگری سینٹی گریڈ ریکارڈ ہوا ہے ۔
وسطی ضلع بڈگام میں کم سے کم درجہ حرارت منفی۸ء۲ڈگری سینٹی گریڈ جبکہ کوکر ناگ میں منفی۴ء۱ڈگری سینٹی گریڈ ریکارڈ ہوا ہے ۔
محکمہ موسمیات کی پیش گوئی کے مطابق وادی میں۱۶نومبر تک موسم عام طور پر خشک رہنے کا امکان ہے ۔