حماس کا اسرائیلی یرغمال کی لاش حوالے کرنے کا اعلان

غزہ، 28 اکتوبر (یواین آئی) حماس کے عسکری ونگ القسام بریگیڈز نے ایک اسرائیلی یرغمال کی لاش حوالے کرنے کا اعلان کیا ہے ۔
العربیہ کے مطابق یہ لاش غزہ شہر کے التفاح محلے سے ملی ہے ۔ اسرائیلی میڈیا کا کہنا ہے کہ نیتن یاہو حکومت کے ایک اہلکار کے مطابق لاش کی وصولی کے لیے تیاریاں جاری ہیں، تاہم اس عمل کی نگرانی کرنے والے ثالثی فریق کی تفصیلات ظاہر نہیں کی گئیں۔
حماس کے عسکری ونگ القسام بریگیڈز نے ایک اسرائیلی یرغمال کی لاش کے حوالے کرنے کا اعلان کیا۔ العربیہ کے نامہ نگار نے اطلاع دی ہے کہ تحریک حماس کو غزہ شہر کے التفاح محلے میں اسرائیلی یرغمال کی لاش ملی ہے ۔
اسرائیلی میڈیا نے اطلاع دی ہے کہ نیتن یاہو حکومت کے ایک اہلکار کے مطابق حوالے کرنے کے عمل یا اس کی نگرانی کرنے والے ثالثی فریق کی تفصیلات کو ظاہر کیے بغیر لاش کو پیر کی رات کے بعد وصول کرنے کی تیاریاں جاری ہیں۔
العربیہ کے نمائندے کے مطابق حماس نے اتوار کے روز غزہ میں داخل ہونے والی مصری ٹیم کو اسرائیلی یرغمالیوں کی لاشوں کے مقامات کے بارے میں معلومات فراہم کیں جس کا مقصد اسرائیلی فوج کے زیر کنٹرول علاقوں میں ملبے اور سرنگوں کے نیچے باقیات کی تلاش میں مدد حاصل کرنا اور تیزی لانا ہے ۔اسرائیلی براڈکاسٹنگ کارپوریشن نے پیر کو ذرائع کے حوالے سے تصدیق کی کہ اسرائیل نے حماس کو اسرائیلی اسیران کی لاشوں کی تلاش کے لیے نہ صرف رفح میں بلکہ ییلو زون کے اندر کئی مقامات پر کام کرنے کی اجازت دی ہے ۔منظوری سے یہ بات سامنے آئی ہے کہ حماس نے اسرائیل کے زیر کنٹرول علاقے شجاعیہ کا فیلڈ وزٹ کیا۔ سیاسی قیادت نے حماس کو خان یونس میں ایک اور مقام پر کام کرنے کی اجازت دینے پر بھی اتفاق کیا۔ اس سے قبل ذرائع نے العربیہ اور الحدث کو اطلاع دی تھی کہ 12 بھاری سازوسامان والی گاڑیاں جنوبی غزہ کی پٹی میں کریم ابو سالم کراسنگ کے ذریعے داخل ہوئیں۔ مصری کمیٹی کی جانب سے ملبہ ہٹانے اور پٹی کے متعدد علاقوں میں تباہ شدہ سڑکوں کو دوبارہ کھولنے کی کوششوں کے لیے یہ گاڑیاں غزہ میں داخل کی گئی ہیں۔