جھلستی گرمی سے اہلیان وادی کو کوئی راحت نہیں

سرینگر//
وادی کشمیر میں شدید گرمی کے بیچ محکمہ موسمیات نے اگلے چوبیس گھنٹوں کے دوران گرج چمک کے ساتھ کہیں کہیں ہلکی بارشوں کی پیش گوئی کی ہے ۔
محکمہ موسمیات کے مطابق سرینگر میں سوموار کو بھی دن بھر شدید گرمی کی لہر جاری رہی جس دوران درجہ حرارت۳۴ڈگری سینٹی گریڈ ریکارڈ کیا گیا ۔
محکمے کے ترجمان نے بتایا کہ وادی میں اگلے چوبیس گھنٹوں کے دوارن گرج چمک کے ساتھ کہیں کہیں ہلکی بارشیں ہونے کا امکان ہے ۔انہوں نے کہا کہ موسم کی یہی صورتحال اگلے ایک ہفتے کے دوران جاری رہ سکتی ہے ۔
ادھر وادی میں شبانہ درجہ حرارت معمول سے زیادہ درج ہو رہا ہے جس سے لوگوں کو رات کے دوران بھی شدید مشکلات کا سامنا کرنا پڑ رہا ہے ۔
دارلحکومت سری نگر میں کم سے کم درجہ حرارت۰ء۲۴ڈگری سینٹی گریڈ ریکارڈ کیا گیا جو معمول سے ۳ء۶ڈگری سینٹی گریڈ زیادہ ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حرارت۸ء۱۴ڈگری سینٹی گریڈ ریکارڈ کیا گیا جو معمول سے۹ء۳ڈگری سینٹی گریڈ زیادہ ریکارڈ ہوا تھا۔ دوسرے مشہور سیاحتی مقام پہلگام میں کم سے کم درجہ حرارت۶ء۱۸ڈگری سینٹی گریڈ ریکارڈ کیا گیا جو معمول سے ۸ء۷ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۵ء۲۱ڈگری سینٹی گریڈ ریکارڈ کیا گیا جو معمول سے ۹ء۳ڈگری سینٹی گریڈ زیادہ ریکارڈ ہوا تھا۔گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۶ء۲۱ڈگری سینٹی گریڈ ریکارڈ کیا گیا جو معمول سے ۱ء۶ڈگری سینٹی گریڈ زیادہ ریکارڈ ہوا تھا۔