سرکاری اسپتالوں میں طبی آلات کی کمی نہیں ہونے دی جائے گی: آرَتی سنگھ راؤ

چنڈی گڑھ، اکتوبر (یو این آئی) ہرِیانہ کی وزیرِ صحت آرَتی سنگھ راؤ نے کہا کہ ریاستی حکومت عوام کو بہتر طبی سہولیات فراہم کرنے کے لیے مسلسل کوشاں ہے ۔
سرکاری اعلامیے کے مطابق محترمہ راؤ نے کہا کہ یہ یقینی بنایا جا رہا ہے کہ ریاست کے کسی بھی سرکاری اسپتال یا صحت کے ادارے میں طبی آلات اور مشینوں کی کوئی کمی نہ رہے ۔
ضرورت کے مطابق نئے آلات اور جدید مشینوں کی خریداری کی جا رہی ہے اور انہیں وقتاً فوقتاً متعلقہ اداروں میں بھیجا جا رہا ہے ۔
حال ہی میں ریاست کے چھ اضلاع، پنچکولہ، نارنول، پانی پت، ریواڑی، سونی پت اور گڑگاؤں، کے سرکاری اسپتالوں میں نئی الٹراساؤنڈ مشینیں بھیجی گئی ہیں۔ ان مشینوں کی تنصیب کا کام مکمل ہونے کے بعد جلد ہی مریضوں کا معائنہ شروع کر دیا جائے گا۔
انہوں نے کہا کہ ہریانہ میڈیکل سروسز کارپوریشن لمیٹڈ کے ذریعے حال ہی میں متعدد ضروری ادویات، طبی آلات اور مشینوں کی خریداری کے نرخ طے کیے گئے تھے ۔ اب انہی نرخوں کے تحت ریاست کے مختلف طبی اداروں کو آلات کی فراہمی شروع کر دی گئی ہے ۔
محترمہ راؤ نے کہا کہ حکومت کا مقصد ریاست کے ہر شہری کو معیاری، سستی اور آسانی سے دستیاب صحت کی سہولیات فراہم کرنا ہے ۔ جدید مشینوں کے آنے سے جانچ کا عمل مزید درست اور تیز ہو جائے گا، جس سے مریضوں کو بروقت علاج مل سکے گا۔
انہوں نے بتایا کہ ریاستی حکومت صحت کے بنیادی ڈھانچے کو مضبوط بنانے کے لیے مسلسل کام کر رہی ہے اور جلد ہی دیگر اضلاع کے اسپتالوں میں بھی نئی مشینیں بھیجی جائیں گی تاکہ دیہی اور شہری علاقوں کے شہریوں کو یکساں معیار کی طبی سہولیات میسر آ سکے ۔