غزہ سے اسرائیلی یرغمالیوں کی رہائی، انتونیو گوتریس کا خیرمقدم

اقوام متحدہ، 14 اکتوبر (یو این آئی) غزہ سے اسرائیلی یرغمالیوں کو رہائی ملنے پر اقوام متحدہ کے سیکریٹری جنر ل انتونیو گوتریس کی جانب سے خیر مقدم کیا گیا ہے ۔
غیر ملکی ذرائع ابلاغ کے مطابق سیکریٹری جنر ل اقوام متحدہ نے تمام فریقوں پر زور دیا ہے کہ وہ اس پیش رفت پر آگے بڑھیں اور جنگ بندی کے تحت اپنے وعدوں پر عمل کریں۔
اُنہوں نے کہا کہ اسرائیلی یرغمالی آزادی حاصل کر چکے ، غزہ میں ہلاک یرغمالیوں کی لاشیں بھی واپس کی جائیں۔
واضح رہے کہ مصر کے شہر شرم الشیخ میں غزہ امن معاہدے پر دستخط کر دیئے گئے ۔ امریکہ اور ثالثوں نے غزہ امن معاہدے پر جامع دستاویز پر دستخط کیے ۔
ڈونلڈٹرمپ اور مصری صدر عبدالفتاح السیسی کی صدارت میں ہونے والے غزہ سمٹ میں غزہ امن معاہدے پر امریکا، قطر، ترکیہ اور مصر کے صدور نے دستخط کیے ۔