ریکارڈ سطح پر اناج کی پیداوار، 40 فیصد سے زیادہ بھرے اناج کے ذخیرے : شیوراج

نئی دہلی،11اکتوبر(یو این آئی) زراعت اور کسانوں کی بہبود کے مرکزی وزیر شیوراج سنگھ چوہان نے کہا ہے کہ وزیر اعظم نریندر مودی کی قیادت میں گزشتہ ایک دہائی میں اناج کی پیداوار ریکارڈ سطح پر پہنچ گئی ہے ۔
مسٹر چوہان نے کہا کہ گیہوں، چاول، مکئی، مونگ پھلی اور سویابین کی پیداوار نے گزشتہ سال ریکارڈ پیداوار حاصل کی تھی۔ وہ ہفتہ کو یہاں پوسا کیمپس میں منعقدہ تقریب سے خطاب کر رہے تھے ۔ اس تقریب کا اہتمام ‘پردھان منتری دھن-دھنیا کرشی یوجنا اور ‘دلہن آتم نربھرتا مشن’ کے ساتھ ساتھ 42,000 کروڑ روپے سے زیادہ کے زراعت اور اس سے منسلک شعبوں سے متعلق پروجیکٹوں کے آغاز کے موقع پر کیا گیا تھا۔
انہوں نے کہا ”محترم وزیر اعظم کی قیادت میں، ہماری غذائی اجناس کی پیداوار ریکارڈ سطح پر پہنچ گئی ہے ، گیہوں اور چاول کے ذخیرے 40 فیصد سے زیادہ بھرے ہوئے ہیں۔”
مسٹر سنگھ نے کہا کہ خوراک میں خود کفالت حاصل کرنے کے لیے دالوں کی پیداوار میں اضافہ کرنا ضروری ہے ۔ اسی مقصد کو ذہن میں رکھتے ہوئے مسٹر مودی دالوں کے مشن کا آغاز کر رہے ہیں۔ یہ بھی دیکھا گیا ہے کہ جہاں کئی اضلاع میں پیداوار کافی اچھی ہے ، لیکن اسی ریاست کے دیگر اضلاع میں پیداوار کم ہے ۔ ایسے اضلاع میں پیداوار بڑھانے کے لیے ، دوسری اسکیم، پی ایم دھن-دھنیا کرشی یوجنا، شروع کی جا رہی ہے ۔ اس میں 11 محکموں کی 36 اسکیموں کو مربوط کیا جارہا ہے ۔
انہوں نے کسانوں کی اجتماعی تنظیموں فارمر پروڈیوسر آرگنائزیشن (ایف پی او) کی کامیابی کے بارے میں کہا کہ یہ مسٹر مودی کا وژن ہے کہ چھوٹے کسانوں کو ملاکر مقابلے کا سامنا کریں۔ آج ملک میں ایف پی او کے 52 لاکھ کسان شیئر ہولڈر ہیں۔ تقریباً 1,100 ایف پی او کروڑ پتی بن چکے ہیں اور ان کا کاروبار Rs 15,000 کروڑ سے تجاوز کر گیا ہے ۔
وزیر اعلیٰ چوہان نے اشیا اور خدمات ٹیکس (جی ایس ٹی) کی شرحوں میں حالیہ تبدیلیوں کا سہرا مسٹر مودی کے سر باندھتے ہوئے کہا کہ اس سے کسانوں کو کافی راحت ملی ہے ۔ اس قدم سے چھوٹے ٹریکٹروں پر کسانوں کے Rs23,000 روپے ، 35 ہارس پاور کے ٹریکٹرز پر Rs43,000 روپے اور بڑے ٹریکٹروں پر Rs65,000 کی بچت ہوگی۔