گرمی کی لہر:وادی کے اسکولوں میں ۴ جولائی سے ۱۰ دنوںکی تعطیلات

سرینگر//
کشمیر صوبے میں سرمائی زون کے تحت آنے والے سبھی اسکولوں میں ۴جولائی سے ۱۰روز تک گرمائی تعطیلات ہوگی، اس کا علان جمعہ کے روز ڈائریکٹوریٹ آف اسکول ایجوکیشن نے کیا۔
وادی کشمیر میں شدید گرمی کے پیش نظر محکمہ سکول ایجوکیشن نے کشمیر صوبے کے اسکولوں میں ۴سے ۱۴ جولائی تک ۱۰ روز کی گرمی کی چھٹیاں ہوں گی۔
محکمے ایجوکیشن کے پرنسپل سکریٹری بی کے سنگھ کے مطابق گذشتہ دنوں سے کشمیر میں گرمی کی لہر میں اضافے کے پیش نظر اسکولوں میں موسم گرما کی تعطلات کا اعلان کرنے کا فیصلہ کیا گیا۔ ایسے میں اس حوالے جمعہ یا ہفتے کے روز باضابطہ طور احکامات صادر کیے جائیں گے۔
واضح رہے وادی کشمیر شدید گرمی کی لہر کی زد میں ہے اور جمعرات کو سرینگر میں سیزن کا گرم ترین دن۲ء۳۴ڈگری سینٹی گریڈ ریکارڈ کیا گیا۔
مانسون کی بارش سے جمعرات کو جموں میں کچھ راحت ملی۔ وہیں سرینگر میں اس سیزن میں پارہ ایک نئی بلندی پر پہنچ گیا۔
محکمہ موسمیات نے بتایا کہ سرینگر میں درجہ حرارت گزشتہ۱۲ برس میں تیسرے نمبر پر رہا۔