جسٹس سُجَے پال کلکتہ ہائی کورٹ کے قائم مقام چیف جسٹس مقرر

کولکتہ، 27 ستمبر (یو این آئی) سینئر جج جسٹس سُجَے پال کو کلکتہ ہائی کورٹ کا قائم مقام چیف جسٹس مقرر کیا گیا ہے ۔
جسٹس پال، جسٹس سومَیل سین کی جگہ لیں گے جنہیں میگھالیہ ہائی کورٹ کا چیف جسٹس بنایا گیا ہے ۔
مرکزی حکومت نے ہفتہ کو کلکتہ ہائی کورٹ کے جسٹس سومَیل سین کو میگھالیہ ہائی کورٹ کا چیف جسٹس مقرر کرنے کی نوٹیفکیشن جاری کیا۔
نوٹیفکیشن میں کہا گیا کہ صدرِ جمہوریہ نے ہندوستان کے آئین کے آرٹیکل 217 کے تحت اپنے اختیارات کا استعمال کرتے ہوئے جسٹس سومَیل سین کو کلکتہ ہائی کورٹ سے میگھالیہ ہائی کورٹ کا چیف جسٹس مقرر کیا ہے ۔ ان کی مدتِ کار عہدہ سنبھالنے کے دن سے مؤثر ہوگی۔
سپریم کورٹ کولیجیم نے اس مہینے کے آغاز میں جسٹس سین کے نام کی سفارش کی تھی۔ جسٹس سین کو حال ہی میں چیف جسٹس ٹی ایس سِوگننم کے سبکدوش ہونے پر قائم مقام چیف جسٹس مقرر کیا گیا تھا۔