معذور چائے فروش دہلی پولیس کی گاڑی سے کچل کر ہلاک

نئی دہلی، 18 ستمبر (یو این آئی) ایک افسوسناک واقعہ میں جمعرات کے روز دہلی پولیس کی گاڑی کے نیچے آ کر ایک معذور چائے فروش ہلاک ہو گیا۔ یہ واقعہ رام کرشن آشرم میٹرو اسٹیشن کے قریب پیش آیا۔ ہلاک ہونے والے شخص کی شناخت گنگا رام کے طور پر ہوئی ہے ، جو اسی علاقے میں ایک چھوٹا سا چائے کا اسٹال چلاتا تھا۔ حکام کے مطابق، پولیس کی گاڑی نے گنگا رام کو ٹکر ماردی جس کے باعث وہ موقع پر ہی دم توڑ گیا۔ واقعہ کے فوراً بعد مقامی پولیس اور کرائم ٹیم جائے حادثہ پر پہنچی، اور تفتیش کا آغاز کیا۔
لاش کو پوسٹ مارٹم کے لیے قریبی اسپتال منتقل کر دیا گیا ہے تاکہ موت کی صحیح وجہ معلوم کی جا سکے ۔
پولیس نے ایف آئی آر درج کرنے کی تصدیق کی ہے اور کہا ہے کہ اس حادثے کے اسباب جاننے کے لیے مکمل تحقیقات جاری ہیں۔