پنسلوانیا میں فائرنگ سے تین پولیس اہلکار کی موت ، 2 کی حالت تشویشناک

یورک کاؤنٹی، پنسلوانیا (فلاڈیلفیا)، 18 ستمبر (یو این آئی): امریکی ریاست پنسلوانیا کے یورک کاؤنٹی کے نارتھ کوڈورس ٹاؤن شپ میں فائرنگ کے ایک واقعہ میں تین پولیس افسر ہلاک جبکہ دو دیگر شدید زخمی ہو گئے ۔ پولیس کے مطابق یہ واقعہ ایک "خاندانی جھگڑے ” سے متعلق تحقیقات کے دوران پیش آیا۔ پنسلوانیا اسٹیٹ پولیس کے کمشنر کرنل کرسٹوفر پیرس نے بتایا کہ حملہ آور بھی پولیس کی فائرنگ میں ہلاک ہوگیا۔ یہ واقعہ مقامی وقت کے مطابق دوپہر 2 بجے (1800 جی ایم ٹی) کے بعد پیش آیا۔
واقعہ کے بعد علاقے میں ہنگامی صورتحال پیدا ہوگئی اور ایک زخمی پولیس افسر کو ہیلی کاپٹر کے ذریعے اسپتال منتقل کیا گیا۔ نزدیکی اسپرنگ
کمشنر پیرس نے کہا کہ پولیس فی الحال مزید تفصیلات جاری نہیں کر سکتی کیونکہ تفتیش جاری ہے ۔ واقعہ کی تحقیقات میں ایف بی آئی بھی مقامی حکام کے ساتھ تعاون کر رہی ہے ۔
پنسلوانیا کے گورنر جوش شاپیرو بدھ کی دوپہر جائے وقوعہ پر پہنچے اور شہید پولیس افسران کے اہلِ خانہ سے ملاقات کی۔ بعد ازاں انہوں نے ریاست بھر میں پرچم سرنگوں کرنے کا حکم دیا تاکہ جاں بحق افسران کو خراج عقیدت پیش کیا جا سکے