آسٹریلیا کی فرنچائز نے شاہین کو بہترین آل راؤنڈر قرار دے دیا؟

بگ بیش لیگ کی فرنچائز برسبین ہیٹ نے ایشیا کپ میں پاکستان کے فاسٹ بولر شاہین آفریدی کی آل راؤنڈ کارکردگی کی تعریف کی ہے ۔شاہین آفریدی نے ہندوستان اور متحدہ عرب امارات کے خلاف شاندار آل راؤنڈر کارکردگی کا مظاہرہ کیا، ہندوستان کے خلاف 206.25 کے اسٹرائیک ریٹ سے 16 گیندوں پر 33 رنز بنائے جس میں چار چھکے شامل تھے۔
تاہم پاکستان کو ہندوستان کے خلاف لو اسکورنگ میچ میں شکست کا سامنا کرنا پڑا۔
گزشتہ روز یو اے ای کے خلاف میچ میں شاہین نے ایک بار پھر آل راؤنڈر کارکردگی کا مظاہرہ کیا اور تین چوکوں، دو چھکوں کی مدد سے 14 گیندوں پر 29 رنز بنائے اور تین اوور میں 16 رنز دے کر دو وکٹیں بھی حاصل کیں۔
برسبین ہیٹ نے اپنے سوشل میڈیا پر شاہین کی ایک تصویر شیئر کی، جس میں 25 سالہ کرکٹر کی تعریف کی گئی اور لکھا کہ دی ایگل! بڑے اسٹیج پر آل راؤنڈر کی کارکردگی شاندار رہی۔ واضح رہے کہ شاہین بی بی ایل کے آئندہ 15ویں ایڈیشن میں برسبین ہیٹ کی طرف سے کھیلیں گے، جو 19 جون کو ہونے والے پلیئر ڈرافٹ میں مجموعی طور پر پہلا انتخاب تھا۔