ویسٹ انڈیزکا دورہ نیپال کے لیے اسکواڈ کا اعلان

انٹیگا، 18 ستمبر (یو این آئی ) ویسٹ انڈیز نے رواں ماہ شارجہ میں نیپال کے خلاف تین میچوں کی ٹی ٹوئنٹی انٹرنیشنل سیریز کے لیے 15 رکنی اسکواڈ کا اعلان کر دیا ہے۔ کیریبیئن ٹیم نے سیریز کے لیے کئی اہم کھلاڑیوں کو آرام دینے کا فیصلہ کیا ہے جن میں کپتان شائی ہوپ، فاسٹ بولر الزاری جوزف اور بلے باز جانسن چارلس شامل ہیں۔ اسپنرعقیل ہوسین بطور کپتان ٹیم کی قیادت کریں گے، جب کہ ریگولر فیبین ایلن، جیسن ہولڈر، اور کائل میئرز 27 ستمبر سے شروع ہونے والے تین میچوں کے دوران ٹیم کو سپورٹ کریں گے۔ سیریز کے دوران پانچ کھلاڑی بین الاقوامی ڈیبیو کرنے کے لیے قطار میں ہیں:جن میں بیٹسمین اکیم آگسٹی، آل راؤنڈر نوین بڈائس، اسپنر ذیشان موٹارا اور فاسٹ بالرزریمن سیمندز اور عامر جنگو شامل ہیں۔
ویسٹ انڈیز کے ڈائریکٹر کرکٹ مائلز باسکومب نے ٹیم کے انتخاب کے بارے میں بات کرتے ہوئے کہا کہ یہ سیریز ٹیم کو اگلے سال کے شروع میں ہندوستان اور سری لنکا میں ہونے والے آئی سی سی مینز ٹی ٹوئنٹی ورلڈ کپ سے قبل متاثر کرنے کے مواقع فراہم کرے گی۔
انہوں نے کہا نیپال کے خلاف یہ سیریز ویسٹ انڈیز کرکٹ کے افق کو وسیع کرنے کی جانب ایک اور اہم قدم ہے۔ یہ ہماری سینئر مردوں کی ٹیم کو ایک ابھرتی ہوئی اور پرجوش قوم کے ساتھ منسلک ہونے اور مختلف حالات میں میچ کا انمول تجربہ حاصل کرنے کا موقع فراہم کرتی ہے۔
نیپال کے دورے کے لیے ویسٹ انڈیز کا اسکواڈ اس طرح ہے: عقیل ہوسین (کپتان)، فیبین ایلن، جیول اینڈریو، اکیم آگسٹ، نوین بیڈ ائسے، جیڈیہ بلیڈز، کیسی کارٹی، کریمہ گور، جیسن ہولڈر، عامر جنگو، کائل میئرز، عبید میک کوئے، ذیشان موٹارا، ریمن سیمنڈزاورشمر اسپرینگر
شیڈول کے مطابق پہلا ٹی ٹوئنٹی 27 ستمبر، دوسرا 29 اور تیسرا 30 ستمبر کو کھیلا جائے گا۔ تینوں میچ شارجہ میں ہوں گے۔