بنگلورو، 11 ستمبر (یو این آئی) ہندوستان نے 11 سے 25 نومبر تک ہونے والے بلائنڈ ویمنز ٹی 20 ورلڈ کپ کرکٹ کے لئے 16 رکنی ٹیم کا اعلان کیا ہے۔
ہندوستان پہلی بار نابینا افراد کے لیے ویمنز ٹی20 ورلڈ کپ کرکٹ کی میزبانی کرے گا۔ اس ٹورنامنٹ میں آسٹریلیا، انگلینڈ، ہندوستان، نیپال، پاکستان، سری لنکا اور امریکہ کی ٹیمیں شرکت کریں گی۔ ٹورنامنٹ کے میچ نئی دہلی اور بنگلورو میں کھیلے جائیں گے۔ کھٹمنڈو کو اصل میں تیسرے میزبان شہر کے طور پر چنا گیا تھا، جہاں پاکستان کے ساتھ میچز ہونے تھے۔ نیپال کی موجودہ صورتحال کے پیش نظر متبادل مقام پر غور کیا جا رہا ہے۔
ورلڈ کپ میں 21 لیگ میچ ہوں گے، دو سیمی فائنل اور ایک فائنل ہوگا۔ 16 رکنی ہندوستانی ویمنز بلائنڈ ٹیم کا اعلان سخت ٹریننگ اور ملک گیر ٹیلنٹ کی تلاش کے 56 کھلاڑیوں کے کیمپ کے بعد کیا گیا ہے۔
اعلان کردہ ہندوستانی ٹیم حسب ذیل ہے:-
سمو داس (دہلی)، پی کرونا کماری (آندھرا پردیش)، انوکماری (بہار)، جمنا رانی توڈو (اڈیشہ)، کاویہ وی (کرناٹک)، انیکھا دیوی (دہلی)، بسنتی ہنسدا (اڈیشہ)، سمرن جیت کور (راجستھان)، سنیا سراٹھے ( مدھیہ پردیش)، پاربتی مارنڈی (اڈیشہ)، دیپیکا ٹی سی (کرناٹک – کیپٹن)، پھولا سورین (اڈیشہ)، گنگا ایس کدم (مہاراشٹر – نائب کپتان)، کاویہ این آر (کرناٹک)، سشما پٹیل (مدھیہ پردیش) اور درگائیولے (مدھیہ پردیش)۔
ہندوستان نے نابینا خواتین کے ٹی 20 ورلڈ کپ کرکٹ کے لیے 16 رکنی ٹیم کا اعلان کیا
Related Posts
