پوجا رانی، جیسمین لامبوریا سیمی فائنل میں، ہندوستان کے لیے دو تمغے یقینی

لیور پول، 11 ستمبر (یو این آئی) دو بار کی ایشیائی چمپئن پوجا رانی اور جیسمین لامبوریا نے مخالف جیت حاصل کرتے ہوئے ورلڈ باکسنگ چیمپئن شپ میں شاندار کارکردگی کا مظاہرہ کرتے ہوئے سیمی فائنل میں جگہ بنا لی ہے۔ اس کے ساتھ ہی ان دونوں باکسروں نے ہندوستان کے لیے مزید دو تمغے یقینی کردیئے ہیں۔
پوجا رانی نے خواتین کے 80 کلوگرام کے کوارٹر فائنل میں پولینڈ کی ایمیلیا کوٹورسکا کو 3:2 سے شکست دی، جبکہ ورلڈ باکسنگ کپ آستانہ میں سونے کا تمغہ جیتنے والی جیسمین نے انڈر 22 ایشین چیمپئن ازبکستان کی ماماجنووا خوموربونو کو 5:0 سے شکست دے کر خواتین کے 57 کلوگرام کے سیمی فائنل میں داخلہ حاصل کیا۔
ورلڈ باکسنگ کپ آستانہ کی طلائی تمغہ جیتنے والی نوپور بدھ کو خواتین کے 80 کلوگرام وزن کے زمرے کے کوارٹر فائنل میں پہنچ کر تمغہ یقینی کرنے والی پہلی ہندوستانی بن گئیں۔ دو مزید ہندوستانی باکسر میناکشی (خواتین کے 48 کلوگرام) اور جدومنی سنگھ منڈینگ بام (مردوں کے 50 کلوگرام) تمغے کو یقینی بنانے سے محض ایک جیت دور ہیں۔ یہ دونوں جمعہ کو اپنا کوارٹر فائنل کھیلیں گے۔
خواتین کے 80 کلوگرام کے ایک دلچسپ مقابلے میں، پوجا رانی نے اپنے تجربے کو اپنی کم عمر حریف کی رفتار اور توانائی کا مقابلہ کرنے کے لیے استعمال کیا۔ پولش باکسر پہلے راؤنڈ کے بعد قدرے آگے تھیں لیکن پوجا رانی نے دوسرے راؤنڈ میں غلبہ حاصل کر کے کنٹرول حاصل کیا اور پھر محتاط حکمت عملی پر عمل کرتے ہوئے سیمی فائنل میں جگہ پکی کی۔
خواتین کے 57 کلوگرام وزن کے زمرے کے مقابلے میں، جیسمین نے پہلے راؤنڈ میں ازبک باکسر کو پہلے راؤنڈ میں ہی سنبھلنےے نہیں دیا اور تینوں راؤنڈ میں اپنی برتری برقرار رکھی۔یو این آئی۔ این یو۔