نائب صدارتی انتخابات سے قبل نوین پٹنائک دہلی پہچے

نئی دہلی، 8 ستمبر (یو این آئی) اڈیشہ کے سابق وزیر اعلی اور بیجو جنتا دل (بی جے ڈی) کے صدر نوین پٹنائک نائب صدر کے انتخاب سے ایک دن قبل قومی دارالحکومت دہلی پہچے ہیں۔ تجربہ کار رہنما کے قریبی ذرائع نے اس دورے کو مکمل طور پر ذاتی بتایا ہے اور کسی سیاسی پیش رفت سے متعلق نہیں بتایا۔
ذرائع نے بتایا کہ پٹنائک کچھ دنوں تک دہلی میں رہیں گے ۔ انہوں نے واضح کیا کہ چونکہ ان کا یہاں ایک ذاتی مکان ہے ، اس لیے ان کے دورے اکثر ہوتے رہتے ہیں، اس لیے اس دورے کو سیاسی تناظر میں نہیں دیکھنا چاہئے ۔
ذرائع نے کہا کہ ایک سیاسی شخصیت ہونے کے ناطے ، یہ فطری بات ہے کہ لوگ ان سے ملنے آئیں گے ، لیکن اس دورے کو کسی سیاسی ایجنڈے سے تعبیر نہیں کیا جانا چاہیے ۔
ایکس پر ایک پوسٹ میں پٹنائک نے لکھا ہے کہ ‘‘میں کچھ سماجی وابستگی کے تعلق سے کچھ دنوں کے لیے دہلی میں ہوں’’۔
وزیر اعظم نریندر مودی نے حال ہی میں اسپتال میں داخل ہونے کے دوران پٹنائک کی صحت کے بارے میں دریافت کرنے کے لیے ذاتی طور پر فون کیا تھا اور ان کی جلد صحت یابی کی خواہش کی تھی۔ بی جے ڈی کے ذرائع نے یہ بھی اشارہ کیا کہ وزیر اعظم نے سابق وزیر اعلیٰ کو دہلی آنے کی دعوت دی تھی۔